Unsa Gutsbräu Oberhaunstadt Hell

Brauchtum, Handweagskunsd und vui Liab zum Bia braucht´ ma nebam Hopfa, Moiz und Wassa, um a b´sonders Bia zum braun´. Scho seid 1693 ham mia uns aufm Gudshof z´Oberhaunstod da bayrischen Braukunsd vaschrimm. Wichtig für uns is des Erhodn und de Pfleg´ vo echda, bayrischer Lebnsard. Desweng fuin mia uns unsara Hoamat vapflichd und lehm a de Werte. Mit voim Angaschmo gengan mia unsam Handweag scho mehr ois 300 Joah noch. Drum schdäd unsa Gutsbräu Hell für Brauchtum, Hoamadgfuih und Handweagskunsd.

A Schdiggal bayrisch´s Lebnsgfuih

Unsa Gutsbräu Hell – charagdavoi, griabig, guad. Feinsda Aromahopfa und a bayrisch´s Gerschdnmoiz gem unsam Gutsbräu Hell an b´sonders voimundign und aromadischn Gschmack. Abgrund´ mit na angenehm bluamign Hopfanodn. Urig, süffig, erfrischnd – a Bia mit am unvawechslbarm Charagda und a na goidgeibn Farb´. Unsa Gutsbräu Hell werd´ seibsdverschdändlich schdreng nachm Bayrischn Reinheidsgebod anno 1516, in Ingolstod verkündt´, braud´.

Beste, urschbrüngliche Zutadn mit vui Liab verarbad is unsa Schlissl für den oanzigardign Gschmack.

Hiods Eich a bisserl Hoamat hoam

Unsa Gutsbräu Hell in da traditionelln, urign Biaflaschn driffd mit seim nostalgischn Aufdridd perfegd den momentana Zeidgeisd und is Ausdruck bayrischa Griabigkeid und Lebnsard. A oidbayrische, süffige Biaschbezialidäd für a gselligs Beinadsei mid Freind, Kollegn oda Vawandschafd.

Des Bia vo unsere Aidan und Groaßaidan
für de Genaradzion vo heid.